أين التنين أنا لا أراه؟

أهلا

التنين اللي بندور عليه هو orange dragon.

orange dragon هي شبكة أو باقات قدمتها أورنج " شركة للاتصالات " للشباب لمنافسة فودافون في نفس الفئة 

ولكن فودافون كانت متواجدة في الفئة دي من سنين في شكل " vodafone IN " .

فلقيت orange نفسها قدم خيار واحد ألا وهو …. تقديم شيء جديد ومختلف عن "vodafone IN "

فأخرجت لنا  orange dragon الحملة التسويقية المبدعة جدا ولكن فشلت فشل ذريع 

تعالي نستعرض مع بعض: orange dragon بين الإبداع والفشل الكبير؟

حملة orange dragon للشباب

في الطبيعي ان كل campaign أو حملة تسويقية بيكون لها ركائز أو أعمدة بتقف عليها عشان تستعرض الهدف الأساسي للمنتج أو الخدمة اللي بسوق لها.

من ضمن هذه الركائز :

• الفئة المستهدفة

• أي منصة الفئة دي هتكون متواجدة عليها

• أي طريقة مناسبة لمخاطبة الفئة دي

وخلي بالك دي بتفكر فيها بعد ما تكون وضعت الحملة أصلا ، دي زي ماتقول كده هي خطوات لنشر الحملة التسويقية 

الفئة المستهدفة

دي من الافكار اللي لازم تكون موجودة قبل حتى ما يكون عندك منتج ، معرفة أنت بتكلم مين ؟ هتقدر نفهم هو عايز ايه ؟ وتعمله .

عشان كده أنا متخيل أن  الفئة الشباب -ما بين 15 إلي 30 سنة - وبتمثل تقريبا 95% من مستخدمي الهواتف الذكية -

بناء على إحصائية (Pew Research Center Graphic) لسنة 2018- 

هو السبب الأساسي لدخول orange، ولكن كانت على موعد مع منافسة شرسة مع فودافون بسبب استحواذها على الفئة دي.

أي منصة هتنفع

الموضوع ممكن يكون التفكير فيه سهل لان وببساطة ابسط التخيلات عن فئة الشباب انهم حوالي 45% من فئة دي أونلاين 24 ساعة علي فيسبوك و انستقرام وسناب شات و يوتيوب على الترتيب.

فوقع اختيار orange على منصتي الفيس بوك واليوتيوب ، وبدأت حملتها انطلاقا من الفيسبوك وبعدين كملت علي اليوتيوب

 أي طريقة هتنفع 

ببساطة اسأل نفسك السؤال الكوني ايه اكتر حاجه بتحبها الفئة دي؟ هتعرف انت ازاي تكلمهم .

وكانت إجابة orange علي السؤال ده بكلمة واحدة " influencers" أو المؤثرون  بس هما اختاروا "positive influencers " المؤثرون بطريقة إيجابية أو مافيش عليهم انتقادات كبيرة 

وهما :جميلة عوض - هشام عفيفي - عمرو وهبة - خالد جواد - هشام منصور- مروان يونس - محمد البراعي.

ولأن جمهورهم متعود عليهم كصناع محتوى كوميدي تم اتخاذ توجه joke approach  اللي هو أسلوب حكاية النكتة

أسلوب حكاية النكتة joke approach

ده اسلوب يستخدم في اغلب النكت و حتى الافيهات البصرية ،يعتمد على ناحيتين:

• Build up أو البناء.

• Punchline أو جملة المفاجاة .

فكرته كلها انك بتبني للافيه أو النكتة بس من غير ما المشاهد ياخد باله وبعدين تديله punchline فيفهم الفكرة فيضحك.

وعلي نفس الفكرة ، الحملة أخذت خطواتها نحو الفشل …. ايوة نحو الفشل وهنعرف دلوقتي ليه في فقرة اللي جاية.

فين مشكلتي وأنا أحلها

تعالي نتكلم ببساطة في نقاط بسيطة جدا،يلا بينا:

• الابداع ليس الطريق الوحيد لنجاح.

أحيانا لازم تفهم ان في حد للإبداع، مينفعش تعمل حاجه مبدعة جدا وتكون تجارية ؛ لان اهم حاجه للإعلان ان العميل يقدر يتواصل معاه ويفهمه .

الإعلان لازم يكون فيه جزء من الابداع بس مايكونش كله إبداع ورسايل مخفية references 

• جبتك يا عبد المعين تعين.

كويس جدا انك تروح لشخص أو الحاجة اللي بيحبها الفئة اللي انت تستهدفها بس افهم هو بيعمل ايه ؟ وانت عايز ايه؟

تعالى افهمك.

دول صناع محتوى وانت عملت لهم حملة تسويقية مبنية على أسلوب حكاية النكتة ، ماينفعش تعمل لهم اغنية ولا مش بس كده تعمل اغنية مستندة علي النكتة البصرية أو الاستمتاع البصري .

فكان استخدام صناع المحتوى مش كونهم صناع محتوى بل ممثلين مش أكتر.

عشان كل ده رد فعل الناس كان صادم لدرجة ان الاعلان حصل على 22 ألف dislike مقابل 45 ألف like

يعني بنسبة 48% تقريبا وده تقريبا دفع orange لمسح جميع الفيديوهات وحتي صفحة الحملة بسبب رد الفعل القوي من الجمهور>

وبس كده نكون وصلنا لنهاية كلام 

اتمنى تكون استمتعت بالرحلة وتعمل اشتراك في البلوج عشان نتواصل أحسن 

وادعمنا بلايك وكومنت حلو زيك

سيب اقتراحك للحملة الجاية 

سلام..